https://turkmensport.com/habarlar/kakabay-kakabayew-aziya-cempionatynyn-burunc-medalyna-mynasyp-boldy/uLoT4CLHG8fybRA.jpg

Ozal habar berşimiz ýaly, häzirki wagtda Gyrgyz Respublikasynyň paýtagty Bişkek şäherinde göreş boýunça ýaşlaryň arasyndaky Aziýa çempionaty dowam edýär. Bu ýaryşda ildeşimiz Kakabaý Kakabaýew bürünç medala mynasyp boldy.

Kakabaý grek-rim göreşi boýunça 65 kg agram derejesinde çykyş edip, çärýek finalda täjigistanly Sunat Abdulloýewden (4:0) asgyn geldi. Goşmaça duşuşykda ýaponiýaly türgen Kakeru Sakaueni 4:1 hasabynda ýeňen ildeşimiz bürünç medal ugrunda duşuşyk geçirmäge hukuk gazandy.

Şeýlelikde, Kakabaý Kakabaýew Koreýa Respublikasynyň türgeni Taýong Kwondan (3:1) üstün çykyp, bürünç medala mynasyp boldy.